Raġel jitlef ħajtu wara li waqa' minn fuq ċint

Ingliż ta' 58 sena tilef ħajtu wara li waqa' minn fuq ċint fil-Qawra.

L-inċident seħħ dalgħodu għall-ħabta tas-6:30am fi Triq ir-Rizzi, meta għal xi raġuni waqa' minn fuq iċ-ċint ta' ħames filati. 

Huwa ġie ċċertifikat mejjet fuq il-post. Filwaqt li l-investigazzjonijiet tal-pulizija għadhom għaddejjin, infetħet inkjesta maġisterjali b'rabta ma' dan il-każ.

Ritratt: The Malta Police Force