Ara x'ġara meta l-kantant Tony Camilleri ried ftira u kiteb fuq Facebook

Il-kantant Tony Camilleri ma jistax jemmen ir-rispons tan-nies hekk kif fuq Facebook talabhom jgħidulu minn fejn jixtri l-ftajjar. "Il-Maltin ġenerużi wisq u f'kollox, anke biex jgħinuk tiekol ftira," jistqarr Tony.




Ma' Xarabank, Tony jirrakkonta l-esperjenza li għadda minnha lbiraħtlula. "Kellna bżonn nixtru sitt ftajjar għax kellna n-nies għall-ikel tipikament Malti u s-sieħba tiegħi Lilian qaltli biex inġib ftajjar minn dawk l-antiki, li jkollhom it-toqob minn ġewwa. Jiena ma kellix idea minn fejn se nixtrihom."

Tony idur lejn Facebook u jikteb post. "Fuq Facebook ktibt jekk xi ħadd jaf b'xi forn li jkollu ftajjar mill-antiki, jibgħat jgħidli. Kien hemm madwar 150 persuna li kitbuli. Kelli għażla kbira minn fejn nagħżel, minn Malta u anke minn Għawdex," jistqarr Tony.

Wara dan ir-rispons qawwi, Tony waqaf jirrealizza. "Għedt madoff il-Maltin mhux meta jkun hemm bżonn li jinġabru l-flus, ġenerużi, imma anke għal sempliċiment ftira lesti li jgħinu. Tant kienu ġenerużi, li bqajt nirċievi l-kummenti u l-messaġġi sa filgħaxija."

U Tony irnexxielu jsib il-ftira li xtaqt mill-Marsa!