best deal

Wednesday, 4 October 2017

BIL-FILMAT: Tal-Benna jibdlu l-kartuna u l-ħalib?



Jekk dalgħodu ma indunajtx li l-kartuna tal-ħalib inbidlet, għadek ma qomtx.


Hekk hu, il-Benna għandha logo ġdid, kartun kompletament differenti għall-ħalib kollu u prodotti ġodda. Il-ħalib issa ma għadekx trid tiftħu (u kultant tiftħu ħażin) imma għamlulu tapp. Għandhom il-milkshake tal-coconut.



Għandhom ukoll: 

1) Il-butir pur
2) Il-ġobon Malti tar-raħħal
3) L-irkotta bla lattosju (lactose free)
4) Il-ħalib frisk bla lattosju (lactose free)

Xarabank kien preżenti għal din it-tnedija u għalhekk ħa l-okkażjoni li jara kemm jafu l-personalitajiet Maltin dwar il-ħalib u l-baqar billi staqsiehom il-mistoqsijiet li ġejjin:

1) Ta' xiex inhu l-milkshake l-ġdid tal-Benna?


2) Baqra kemm tixrob kuljum?


3) Xi kemm tiżen baqra?


4) Baqra kemm tagħti ħalib kuljum?


5) Kemm hawn baqar tal-ħalib f'Malta u Għawdex?


6) Kemm-il farm tal-baqar hawn f'Malta u Għawdex?


7) Baqra x'tixrob?


Araw kif irrispondewna:





Issa jekk illum xtajt imqar prodott wieħed tal-Benna, stajt tinduna li l-logo m'għadux l-istess. Fil-fatt, il-logo l-ġdid għandu l-elementi ta' disinji antiki iżda nbidel għal dehra aktar moderna biex il-kumpanija turi li qiegħda tħares lejn il-futur.


Se tara wkoll li minbarra l-logo, inbidel ukoll il-kartun tal-ħalib kollu. Filwaqt li nżamm il-kulur tradizzjonali assoċjat ma' kull ħalib differenti, jispikkaw il-polka-dots, il-linji u t-tappijiet. B'hekk il-ħalib mhux se tibqa' tiftħu bħas-soltu!

Il-Benna introduċiet ukoll prodotti ġodda; il-butir pur, il-ġobon Malti tar-raħħal, l-irkotta bla lattosju, il-milkshake tal-coconut u l-ħalib frisk bla lattosju.


Mal-prodotti se tilmaħ wkoll l-marka Farmer Owned. Il-kunċett warajha huwa l-ħarsien tul il-vjaġġ kollu li jgħaddi minnu l-ħalib biex mill-baqra jasal fuq il-mejda tal-konsumatur. Il-prodotti kollha tal-Benna huma magħmulin minn ħalib frisk li huwa Malti 100% u li joriġina minn raħħala li huma s-sidien tal-kumpanija tal-ħalib Malta Dairy Products. Għalhekk, inti tista’ taċċerta ruħek li l-prodotti magħmulin mill-ħalib frisk tal-Benna huma magħmulin mill-ħalib tal-baqra tal-ogħla kwalitaˋ.




Barra minn hekk, il-Malta Dairy Products ħabbret investiment kapitali ta' €3 miljuni f'aktar impjanti u makkinarji. Dan se jagħti lok lill-kumpanija biex tkompli tipproduċi prodotti ta' kwalità għolja u tidħol fis-swieq li tiftaħ toroq ġodda għall-industrija tal-ħalib lokali. 


Il-Prim Ministru Dr Joseph Muscat inawgura din is-serata. Qal li: "Benna tiddefinixxi l-loġiku. Hija magħmula minn kooperattiva ta' raħħala u xorta jirnexxilna tikkompeti ma' ditti b'saħħithom u multinazzjonali."

X'jidhirlek mid-dehriet u l-prodotti l-ġodda tal-Benna?

No comments:

Post a Comment