Insellmulek, Jerome

Insellmu lil Jerome bil-poeżija li kiteb Peppi Azzopardi.

Jerome jiena ma nifhmekx

Jerome ma nistax nifhem

Kif saħħtek tmur għall-agħar

U xorta kont tmur tgħinhom

Lit-tfal ġewwa l-isptar

Jerome pprova fehemni

Kif kont titlob f'Ta' Pinu 

Flok hekk titlob għal saħħtek

Kont titlob għal Puttinu

Jerom għid, kif tagħmilha

Jiena b'riħ u se jgħaddili

Flok nagħmel kuraġġ lilek 

Inti tagħmel kuraġġ lili

Jerome spjegali naqra

Kif qatt ma gergirt f'xejn

Bqajt tfaħħar lill-Mulej

Jerome ma nistax nemmen

Kif inti l-eroj tagħna

Dagħodu tlaqt għal dejjem 

Jew inti se tibqa' magħna?

Jerome se tibqa' magħna

U m'int sejjer imkien

Għax i-valuri tiegħek

Inġorrhom kullimkien