Jekk inti dilettant tal-għasafar u tal-fniek, din m'għandekx titlifha!

Jekk tixtieq tara għasafar u fniek li forsi qatt ma rajt bħalhom qabel, dan il-weekend għandek iżżur Ħal Kirkop.

Is-Sibt u l-Ħadd li ġej, se ssir l-ewwel Wirja ta' Għasafar u Fniek imtella' mill-Malta All-Breed Rabbit Club u l-Malta Cage Bird Association. 

Din se tittella s-Sibt 21 ta' Ottubru bejn id-9:00am u t-20:00pm, u l-Ħadd 22, bejn it-8:00am u 16:00pm, fis-sala tas-sekondarja fil-Kulleġġ ta' San Benedittu, f'Ħal Kirkop. L-għasafar u l-fniek se jiġu ġġudikati s-Sibt filgħodu. F'din l-attività, it-tfal jistgħu jiltaqgħu mal-fniek iżjed mill-viċin f'sezzjoni li se jkun hemm apposta s-Sibt waranofsinhar u l-Ħadd.

Waqt il-wirja, jista' jinxtara ikel u xorb mill-bar. U l-parking huwa b'xejn.