Jieħu ritratt quddiem kappella f'Ħad-Dingli biex juri li "ħares" jista' jkun immaġinazzjoni tal-moħħ.
F'Xarabank tal-ġimgħa l-oħra Ylenia, co-host tal-Bay Breakfast, kienet qalet li fl-istess post f'ritratt li ħadet hemmhekk deher ħares.
Bjorn mar fl-istess post imma ma ra xejn. "Sħabi semgħu li kien hemm xi nies li raw dan il-fenomenu hemmhekk u tħajru biex imorru jaraw għaliex dawn l-affarijiet jinteressawhom. Qaluli biex immur magħhom u jiena mort biex nara. Kif konna hemmhekk, iltqajna ma' ghost hunter u saqsiena jekk irridux nipprovaw nitkellmu mal-erwieħ. Aħna għednielu iva biex naraw kif dawn l-affarijiet jaħdmu għax qatt ma esperjenzajniehom qabel," jgħidilna Bjorn.
Bjorn jagħmel esperiment bil-kamera tiegħu. "F'ħin minnhom meta konna fuq quddiem tal-kappella, għedt ħa nieħu ritratt biex nuri kif l-affarijiet jistgħu jkunu immaġinazzjoni tal-moħħ. Tfajna persuna fuq quddiem il-bieb u ħadtlu ritratt imma mbagħad għedtlu biex jinżel, u dak il-ħin ħadt ritratt ieħor hu u miexi. B'2 second exposure ġie qisu jidher ħares," jgħidilna Bjorn.
Bjorn jieħu ritratt ieħor u fih tidher bħal figura. "Ħadna ritratt u fid-dlam ta' warajna, f'daqqa waħda tidher figura oħra. Hemm ċans li kienet figura għax ħadd ma kien liebes bħalma kienet liebsa l-figura li dehret qisha raġel b'faxxa bajda. Waqt il-ghost hunting, bdejna nipprovaw nitkellmu mal-mejtin u meta saqsejna l-mistoqsija, 'Tista' ssemmi isem ta' xi ħadd minna?', smajna l-isem ta' ħabib tiegħi."
Minkejja dan, Bjorn jibqa' ma jemminx. "Personalment jiena ma nemminx għax nipprova nkun iktar realistiku u nipprova nsib raġuni mill-ħaġa."
Ħafna kienu dawk li kkummentawlu fuq ir-ritratt u ħasbu li l-figura li tidher fir-ritratt hija ħares.
Inti x'taħseb?
Jiena kont mort ma larusa tighaj emm ahna kona erba persuni meta wasalna hu lara tighaj iparkja il karozza tighaw qudiem il kapella ta hadd dingli u uma maru jimxu ftitt sadatant jiena u larysa tighaj kona gol karozza nitkellmu fuq il hares ta kappella ta hadingli jiena maneminx bdejt nejdila ima wara hames minuti rajt isu bniedem li 5 secondi u jitholl il kapella jiena malewel tlaqna ghax tal bizza
ReplyDelete