Fl-iskola ta' San Ġwann, it-tfal qed jaqraw lill-kelb!

It-tfal tal-iskola Primarja ta' San Ġwann qed jaraw 'il-kelb tas-Surmast David Caruana.

"Il-ġenituri kienu jafu li l-iskola nieħu miegħi lil Ronnie. Il-kelb tiegħi, li ġie mill-Island Sanctuary, huwa għami u nieħdu miegħi l-iskola għax għandu bżonn naqra attenzjoni. Fil-Jum Ewropew għal-Lingwi, it-tfal tal-iskola tal-mainstream kantaw diski b'lingwi Ewropej u l-klassijiet ta' tfal mhux Maltin, li qed jitgħallmu l-Malti biex jintegrew fl-iskola, kantaw bil-Malti. Diska minnhom kienet Il-Kelb u l-għalliema għal din id-diska ħarġet bit-tfal u bil-kelb," jgħidına s-Sur Caruana.

Minn hemm tiġi l-idea li jibda programm tal-qari għat-tfal. "Dakinhar ġie l-Ministru tal-Edukazzjoni Evarist Bartoli li meta ra lit-tfal ikantaw id-diska, qalli bi programm. Dan il-programm jeżisti barra minn Malta li bih tfal li jistħu jew qegħdin batuti fil-qari, minflok jaqraw lil sħabhom fil-klassi, jaqraw lill-kelb. Dan biex ikunu aktar komdi u ma jistħux jekk ilaqqalqu għax kelb għandu l-paċenzja kollha. U ġimagħtejn, tliet ġimgħat ilu, kuljum, it-tfal jaqraw lil Ronnie."

Iżid jgħid: "L-għalliema Susanne Mifsud Triganza qed timplimenta dan il-programm kuljum għax riċerka partikolari tgħid li l-progress li tifel jagħmel f'sitt xhur, jekk jaqra lil kelb kapaċi jagħmlu f'sitt ġimgħat."

Dan il-programm jintlaqa' mill-ġenituri u mit-tfal. "Dan intlaqa' ħafna mill-ġenituri u t-tfal jinsabu kuntenti ħafna talli qed jaqraw lill-kelb. Din qed tgħinhom biex jiġu iktar ħerqana għall-iskola!" jgħidilna s-Sur Caruana.

"Nissuġġerixxi lil skejjel oħra jibdew dan il-programm ukoll. Il-kelb, ovvjament irid ikun partikolari, ma jistax ikun kelb li l-ħin kollu jiġri imma jkun wieħed li jkollu paċenzja biex jisma'," itemm jgħidilna s-Sur Caruana.

Jekk togħġobkom din l-inizjattiva, ixxerjaw dan l-artiklu.