best deal

Thursday, 18 January 2018

BIL-FILMAT: Neville u Corazón qed joħorġu flimkien?


Iva, Corazón u Neville qed joħorġu flimkien u flimkien ħarġu wkoll il-kanzunetta Perfect.


Il-ġimgħa l-oħra Corazón u Neville ħarġu l-cover-version ta' 'Perfect' ta' Ed Sheeran. Xħin smajnieha bqajna impressjonati bil-chemistry perfetta li hemm bejn il-vuċijiet tagħhom. Però din il-chemistry innutajnieha wkoll bejniethom. U bdejna nistaqsu, kif qed ikantaw kanzunetta daqshekk romantika flimkien? Jaqaw qed joħorġu flimkien? Il-kurżità għelbitna u ċempilnielhom.




Jiltaqgħu flimkien l-ewwel darba fil-programm li kienet tippreżenta Corazón. "Iltqajna meta Neville kien ġie fil-programm Twelve to 3. Dak iż-żmien konna organizzajna ikla għall-mistednin. Hemmhekk sirna nafu lil xulxin u mbagħad maż-żmien bdejna noħorġu flimkien," tgħidilna Corazón.

Ftit jiem ilu, Corazón u Neville ħarġu l-kanzunetta Perfect. "Bħalissa qed naħdmu fuq xi kanzunetti oriġinali u għedna ħa nipprovaw din il-kanzunetta biex naraw x'rispons ikollna u nara jekk il-vuċijiet tagħna jmorrux flimkien. Allura għamilna din il-kanzunetta bħala antiċipazzjoni għal kanzunetta ġdida oriġinali li qed naħdmu fuqha bħalissa," tistqarr Corazón. 

"Għażilnieha għax hija l-iktar kanzunetta li nkantaw fit-tiġijiet, it-tnejn li aħna nafuha u bħalissa hija popolari wkoll," tgħidilna Corazón. "Bħala kliem, il-fatt li qegħdin flimkien jagħmlu iktar sens," żied jgħidilna Neville.


Ma setax jonqos li staqsejniehom biex jgħaddu messaġġ lil xulxin. Corazón tgħidilna: "Neville inti persuna speċjali ħafna għalija għaliex sibt dak kollu li kont qed infittex; kumpanija, lealtà, sapport u persuna intelliġenti li tifhimni." U Neville? "Corazón hija l-iktar persuna importanti f'ħajti. Hija l-estensjoni tiegħi. Grazzi talli qed iġġibli ħajti ħafna isbaħ, li qed tagħtini kuraġġ u sapport. Kull ħaġa li bħalissa għandi bżonn, insibha fiha. Grazzi u nħobbok."

No comments:

Post a comment