best deal

Tuesday, 20 February 2018

AĠĠORNATA: BIL-FILMATI - "F'daqqa waħda rajna ħafna nies ħarġin f'salt"


Ftit minuti ilu, inqabdu xi nirien fl-ajruport internazzjonali ta' Malta.

Kelliema għall-Pulizija kkonfermaw li kien hemm xi nirien. Kien għall-ħabta tas-1:15pm, meta ħa xi nar fl-ajurport. Fuq il-post waslu membri tal-Forzi Armati ta' Malta u membri mid-Dipartiment tal-Protezzjoni Ċivili. Filwaqt li ġew evakwati wkoll għadd ta' passiġġiera u ħaddiema mill-ajruport, ħadd ma weġġa'. 

Aħna tkellimna ma' Luke Borg Carbott li qiegħed fuq il-post. "Kont għadni kemm niżżilt il-bagalji mill-karozza. F'daqqa waħda smajna l-fire alarms u rajna ħafna nies ħarġin f'daqqa mill-ajruport. Membri mid-Dipartiment tal-Protezzjoni Ċivili waslu mill-ewwel u ma damu xejn. Sa issa d-duħħan għadu ħiereġ mis-saqaf. Fuq il-post hemm l-ambulanzi, però ma jidhirx li hemm xi nies feruti. Minkejja kollox, m'hemmx paniku u l-atmosfera hi pjuttost kalma. Iktar kulħadd bil-kurżità biex jara x'ġara."

Min-naħa l-oħra, l-Ajurport Internazzjonali ta' Malta qed tavża lill-passiġġiera biex jiċċekkjaw it-titjiriet tagħhom fuq www.maltairport.com qabel ma jiġu l-ajruport. Filwaqt li skużat ruħha għal kull inkonvenjent li seta' nħoloq, żiedet tgħid li qed taħdem biex treġġa' l-ħidmiet tagħha lura għan-normal mill-iktar fis.











Filmati: Luke Borg Carbott

No comments:

Post a comment