"Kieku s-Sibt li għadda għolla t-tazza magħna"

Denilson Briffa ta' 19-il sena tilef ħajtu l-Ħamis li għadda wara li kellu inċident bil-mutur.




Bosta kienu dawk li nħasdu bil-mewta traġika ta' dan il-ġuvni, fosthom sħabu tat-tim tal-futbol, Tarxien AFC, li s-Sibt li għadda refgħu t-tazza wara li ġew fit-tieni post fi swan league amateur. 

Ritratt: Il-kowċ Yalcin Sammut

Aħna tkellimna mal-kowċ ta' Tarxien AFC, Yalcin Sammut, li b'niket stqarr magħna li kieku s-Sibt li għadda Denilson refa' t-tazza flimkien mal-bqija tat-tim. "Is-Sibt li għadda ġejna mogħtija t-tazza għat-tieni post minn disa' timijiet, u ħadna din it-tazza b'emozzjoni li diffiċli biex nispjegaha."

"Min-naħa konna onorati għaliex ħdimna fuq li ħidmna, imma min-naħa l-oħra kellna qalbna maqsuma għaliex nafu li Denilson kellu jkun magħna, kif dejjem kien. Il-Ġimgħa kif smajna bl-aħbar ksaħna għaliex kien wieħed mill-iżgħar plejers fostna u żgur li ħadd ma stenna  din diżgrazzja."

Ritratt: It-tim ta' Tarxien AFC

Lil Denilson kienu jsejħulu l-Brażiljan tat-tim. "Kien wieħed mill-plejers ewlenin fis-suċċess li ksibna. Kien attakkant ħafif li ħadem ferm għat-tim u dejjem kien jagħti qalbu, għalhekk kien plejer imfittex. Konna nsejħulu l-Brażiljan tat-tim għax kellu tattika tal-ġenn. Mhux biss kien parti mit-tim, imma kien ħabib b'karattru liema bħalu."

Ritratt: Uħud mill-plejer ta' Tarxien AFC

Illum Denilson ingħata l-aħħar tislima.