best deal

Tuesday, 15 May 2018

BIL-FILMAT: Din it-tifla Maltija ilha 8 xhur l-Ingilterra tistenna fwied



Iċ-ċkejkna Ellie qiegħda l-Ingilterra għall-kura. Ilha hemm 8 xhur. 


Ellie qed tagħmel sa 12-il siegħa kuljum taħt dawl apposta, inkellha jsirilha ħsara f'moħħha. "Ma tistax tgħix mingħajr dawl għax inkella jitla' f'moħħha u tagħmel ħsara fil-moħħ," tispjegalna Jeclohan, omm Ellie.



Ellie qed tistenna trapjant tal-fwied. "Kellu bżonn il-Bambin jibgħatilha fwied tajjeb biex tibqa' għomorha bih." Imma ommha tibża'. "Nibża' ħabba l-fwied tat-tifla għax jekk jirrifjutah il-ġisem, ma nafx x'jiġri mit-tifla." 

Bħalissa qed jgħixu fi flat ta' Puttinu u ma jafux meta ġejjin lura. "Lanqas temmen hux? Tibqa' tistaqsi, 'Imma veru qed jiġrilna hekk?' Tisma' ħafna stejjer imma ma tobsorx li se jiġri lilek."

Omm Ellie tgħix għaliha u għaż-żewġ uliedha tagħha. "Ifissru kollox. L-ewwel huma. Meta tkun omm, tkun taf xi jiġifieri."



Mat-80 familja fix-xahar imorru l-Ingilterra għall-kura. Għalhekk matul il-maratona ta' nhar il-Ġimgħa, is-Sibt u l-Ħadd, ftakar f'Puttinu. Intom tistgħu tgħinu billi tattendu l-Marsa Sports Club jew iċċemplu u tkunu bħal dejjem ġenerużi. 

Ara din l-intervista li konna għamilna għall-programm ta' Puttinu:

No comments:

Post a comment